# 1604: ह्रदयी धरा हा बोध खरा. ( डॅा. सौ. आरती जुवेकर. )

प्रमाणापेक्षा जास्त वजनाच्या लोकांना शरीर मूकपणाने परंतु टाहो फोडून सांगतेय की कशाला मला शरीराचे अतिरिक्त वजन उगीचच अहोरात्र उचलायला सांगताय!
हृदयाला त्रास होईल अशी कोणतीही गोष्ट करायची नाही असं केलं तरच आपल्या हृदयाचं आणि आपल्या आरोग्याचे रक्षण होईल.
हृदय आयुष्यभर नृत्य करीत असते आणि त्या नृत्यात फक्त दोनच स्टेप असतात. एक आकुंचन आणि दुसरी शिथिलन! केवळ नृत्याच्या या दोन स्टेपमध्ये संपूर्ण आयुष्याला तोलून धरणारे जगात दुसरे नृत्य नाही आणि जगात असा दुसरा नर्तकही नाही! त्याला आपल्या तालावर नाचवू नका. त्याला त्याच्या नैसर्गिक तालावर नाचू द्या.